Tweents Spreukjesbook 3.0

Et thema van ‘t Tweents Spreukjesbook 3.0 is: Allo jongs, gin gemor….. Iej maakt et veskil met ’n luk humor! Vol met kats nieje vertealsels, met ’n fleenke knipooge noar ’t daaglikse leawen.

In disse vrömde en mangs meujlike tieden mu’j et leawen van de zunnige kaante bliewen bekieken. En a’j zoo noe en dan ’n betke met mekaâ könt ginnegappen, dan mu’j et veural nit loaten.

Wiej mut weer terugge noar de tied da’w in ’n kleênen kreenk mekaâ verhaalen vertèèlt in oonze eagen moôdersproak. En veural………. da’w mekaâ weer rech in de döppes kiekt!